Árshátíð Pumping Iron og myndir

Fyrri árshátíð Pumping Iron var í gær og var hún haldin í Pumping Iron þetta árið. Við byrjuðum um 1-2 leitið og var þá byrjað að fara í drykkjuleiki og gerðar heimskulegar æfingar, en ég lagði ekki í þær þar sem ég var ennþá þunnur eftir að hafa farið í biljarð á Áttunni (snilldar pleis) í Hafnarfirði.

Eftir það var farið í pottinn og drukkið þar.

Svo sundraðist hópurinn nokkuð en þeir sem voru eftir hjálpuðust við að undirbúa matinn. Maturinn var snilld eins og vanalega þegar Jimmy og systur hans sjá um matinn. Nokkrir af þeim sem æfa box í 12 Lotum í Hafnarfirði voru þarna líka.

Eftir matinn hélt partýið áfram í Pumping Iron og var til klukkan eitt um nóttina.

Þá fóru flestir niður í bæ. Ég og Eyjó vorum mestann partinn á Sólon (því sora pleisi) með Ágústu og Sif. Þar hittum við einhverja vinkonu Eyjós sem átti vinkonu sem vægast satt fór í taugarnar á mér og ég vona hennar vegna að það sé drykkjunni að kenna. Þar hittum við einnig Unni (kærustu Óla Daða frænda) og vinkonur hennar. Þaðan lá leiðin til Hverfisbarsins (aftur sora pleis) þar sem Viggó hafði reddað okkur á gestalista. Á leiðinni hittum við Óskar Kung Fu sem hafði verið að reyna að komast inná Ellefuna (snilldar pleis). Ekkert markvert gerðist inná Hverfis annað en ég hitti Birki, Gulla risa, Valný og Nönnu systur hans Skara. Eftir það tékkuðum við aftur á Sólon en ég og Eyjó nenntum ekki að vera þar þannig að við ætluðum að fara en hann Viggó fékk okkur til þess að fara að fá okkur eitthvað að borða. Eftir það fórum við heim.

Einnig eru komnar nýjar myndir af árshátíðinni inná myndasíðuna.